ل به‌غدا پێشمه‌رگه‌یی‌ پشكداری د‌ كۆمبوونه‌كا هێزێن‌ ئه‌منی یێن عێراقی دا كر

ب مەره‌ما ئاگه‌هداربوونێ ل سه‌ر پلانێن نوو یێن هه‌ڤپشك یێن دناڤبه‌را هێزێن ئەمنی یێن عێراقێ و هێزێن پێشمەرگەیی، ئەڤرۆ چارشه‌مبی شانده‌كێ وەزارەتا پێشمەرگەیی ب سەرۆکاتییا فەریق روکن عیسا عوزێر سەرۆکێ ئەرکێن وەزارەتا پێشمەرگەیی سەره‌دانا بەغدا کر.

د وێ سەره‌دانێ دا شاندێ وەزارەتا پێشمەرگەیی ل گه‌ل فەریق روکن قەیس محه‌مه‌داوی جێگرێ فەرماندێ ئۆپەراسیۆنێن هه‌ڤپشك یێن عێراقێ روونشتینه‌.

پاشی شاندێ وەزارەتا پێشمەرگەیی پشكداری د کۆمبوونا هه‌ڤپشكا ئەمنی یا دناڤبه‌را فەرماندەییا ئۆپەراسیۆنێن هه‌ڤپشك و وەزارەتا پێشمەرگەیی کرییه‌.

د وێ کۆمبوونێ هه‌ڤپشك دا نوونەرێن هێزێن هه‌ڤپەیمانان ل عێراقێ پشكداربوون، بابه‌تێن ئەمنی و هەوالگری هاتنه‌ به‌حس كرن و هەر د وێ کۆمبوونێ دا، بەردەوامیدانا هه‌ڤکاری و هەماهەنگییا دناڤبه‌را هه‌ردو ئالییان ژی دا هاته‌ به‌حس كرن.