سەرۆك مەسعود بارزانی ئەڤرۆ ل سەلاحەددین پێشوازی ل شاندەكێ جڤاتا زانکۆیێن جیھانێ کر کو پێکھاتبوون ژ، د. ئۆرھان حیکمەت عەزیز ئۆغلۆ، سەرۆکێ جڤاتا زانکۆییێن ناڤدەولەتی و د.کاروان یونس، سەرۆکێ زانکۆیا سەلاحەددین و د. ئیدریس محەمەد تاھر، سەرۆکێ زانکۆیا پۆلیتەکنیکی یا ھەولێرێ و د.نورەدین ئیسماعیل، سەرۆکێ زانکۆیا ھەولێرێ یا پزیشکی و د.شیروان شەریف قرتاس، سەرۆکێ زانکۆیا سۆران و د. ئەحمەد دزەیی، سەرۆکێ زانکۆیا بەیان.
د كۆمبوونێدا رۆلێ زانكۆ و ناڤەندێن زانستی د پێشئێخستنا ڕەھەندێ جودا یێن جڤاكێ کوردستانێ و بلندبوونا ئاستێ تێگەهشتن و پێگەهاندنا تاکی گۆتۆبێژكرن.
هەروەسا د كۆمبوونێدا شاندێ مێهڤان كورتیەك لدۆر رەوشا زانكۆ و ناڤەندێن ئەكادمی و ئاستێ گەشا زانستی ل هەرێمێ دیاركرن، هەروەسا سوپاسییا سەرۆك بارزانی كر كو د سێ سالێن بووریدا هەردەم پشتەڤانێ زانكۆ و ناڤەندێن ئەكادمی ل هەرێما كوردستانێ بوو.
