دەربارەی بەلاڤبوونا ڤیدیۆیەکا دکتور عەبدولا مەلا وەیسی ل تۆرێن جڤاکی، ڕاگەهاندنا ئێکەتییا زانایێن ئایینێ ئیسلامێ ل کوردستانێ رۆهنکرنەک بەلاڤکر.
د رۆهنکرنێدا هاتیە: بێی وەرگرتنا دەستیرییێ وێ کچێ وێنە گرتیە و و سناپ و ڤیدیۆ بەلاڤکریە.
ڕاگەهاندنا ئێکەتییا زانایێن ئایینێ ئیسلامێ ل کوردستانێ د دەقێ ڕۆهنکرنەکێدا ڕاگەهاندیە،” لسەر بەلاڤبوونا پارچە ڤیدیۆیەکێ ل سوشیال میدیایێ لسەر بەرێز دکتور عەبدوللا مەلا وەیسی، سەرۆکێ ئێکەتیا زانایان، ب پێدڤی دزانین بۆ هەمی لایەکی ڕۆهن بکەین، ئەڤە بەرنامەیەکێ تەلەڤزیۆنی یێ کەنالێ کوردستان تیڤی بوولسەر بابەتێ ئیسارفێ و بووچوونا بەرێز سەرۆکێ زانایێن ئاینێ ئیسلامێ وەرگرتیە کو د دەمێ وی 16 خولەکان دا بۆ ئاخفتیە، ئەو کچە ئێک ژ شەش کەسێن ستافێ ڕاگەهاندنێ یێ کەنالێ وان بوو و بێ مۆلەت وەرگرتن ڤیدیۆ و سناپان دگریت و بێی ئاگەهدارییا بەرێز سەرۆکێ زانایێن ئاینێ ئیسلامێ بەلاڤکرینە.”
هەر وەسا ئێکەتییا زانایێن ئایینێ ئیسلامێ ل کوردستانێ د ڕۆهنکرنا خۆ دا ئاماژە کریە، ئەنجامدانا بەرنامە و داخویانییێن ڕۆژنامەڤانی، ب تایبەتی بۆ کەسایەتییێن دیار وەک سەرۆکێ زانایان کو ڕۆژانە چەندین کەناڵ و دەزگەهێن میدیایی داخوازا داخویانیان ژێ دکەن، تشتەکێ ئاساییە و هەر مرۆڤەک ژی د کریار و ڕەفتارێن خۆ دا بەرپرسیارە، نە ژ رەفتارێن کەسانێن بەرامبەر.
