ئامینا زکری، “ئەنداما مەکتەبا سیاسی یا پارتی دیموکراتی کوردستان ڕاگەهاند، ئەڤرۆ دادگەها نە دەستووری یا فیدڕالییا عیراقێ جارەکا دی سەلماند ئەو دادگەهە نینە کو کەردی وەکی دادگەهەکا بێلایەن ببینن و و ئەڤرۆ ژی چوو سەر وان بڕیارێن دی یێن کو وێ دادگەهێ دژی گەلێ کوردستانێ دەرئێخستین.”
ئەنداما مەکتەبا سیاسی یا پارتی گوتیە ژی:” د بنەرەتدا دادگەها فیدڕالی یا دەستوری نینە، ل گۆرەی ماددێ 92 ژ دەستوورێ عیراقێ نە هاتیە دامەزراندن و بڕیارێن خۆ ب سیاسی کرینە و ل خولا چوویی یا پەرلەمانی ب هاریکارییا لایەنەکێ کوردی ب زۆرینەیەکا سادە دەنگ لسەر هاتیە دا، لەورا پێدڤیە لایەنێن عیراقی و ئەوێن دەستهەلاتدار بزانن یان پێدڤییە ئەڤ دادگەهە بهێتە هەلوەشاندن و ل گۆرەی دەستووری سەرەدەری دگەل گشت پرسان بهێتە کرن، یان گەلێ کوردستانێ دادگەهەکا هەمەجوور ب دادگەها خۆ نزانیت.”
ئامینا زکری ئاماژە کریە،” نابیت چ دەمەکی ئەم ژبیر بکەین سەرەڕای بزاڤێن مە، دەستپێشخەری و چوونا مە بۆ پێشڤە ب ئنیەتا ڕێککەفتنێ و سازانێ دگەل حکومەتێن ئێک ل دویڤ ئێک یێن عیراقێ، بەلێ پێدڤیە بزانین ئەدەبیات و هزرا نەهێلانا کوردان هێشتا دناڤ عیراقێ دا یا زیندیە و ڤێ هزرێ ڕەهێن خۆ کێشاینە دنا پشکەکا سیاسی و نە سیاسییان دا ل عیراقێ، ئەگەر ب ڤی جوری نەبیت دادگەهەک کو ئەو بخو نە یا دەستووری بیت چاوا دێ بڕیارێن وێ د دەستووری بن هەر ژبەر هندێ( المبني على الباطل باطل )”.
