ئه‌ڤرۆ ل سه‌لاحه‌دین سه‌رۆك مه‌سعود بارزانى پێشوازى ل جنین پلاسخارت نونه‌را سكرتێرێ گشتى یێ رێكخراوا نه‌ته‌وێن ئێكگرتى ل عیراقێ كر.
د دیدارێدا ره‌وشا سیاسى یا ده‌ڤه‌رێ و په‌یوه‌ندىێن دناڤبه‌را حكومه‌تا هه‌رێمێ و عیراقێدا و بزاڤێن چاره‌سه‌ركرنا ئاریشێن دناڤبه‌را هه‌رێمێ و به‌غدایێدا دانوستان لسه‌ركر.
هه‌روه‌سا دوپاتى لسه‌ر بجهئینانا رێكه‌فتنا دناڤبه‌را حكومه‌تا هه‌رێمێ و عیراقا فیدرالدا لدور ئاسایكرنا ره‌وشا شنگالێ و ڤه‌گه‌ریانا ئاواران كریه.
ره‌وشا سیاسى یا هه‌رێمێ ته‌وه‌ره‌كێ دى یێ وێ دیدارێ بوو و گرێداى ب بابه‌تێ هه‌لبژارتنان، سه‌رۆك بارزانى دۆپاتى ل هندێ كر، ژلایێ پارتیڤه هه‌لبژارتن بنه‌ما و پره‌نسیپه‌كا نه‌گوره بۆ شه‌ریعه‌ت و حكومرانیێ ، و پێدڤیه هه‌لبژارتنێن هه‌رێمێ دده‌مێ خودا بهێنه كرن، هه‌روه‌سا دوپاتى ل هندێ ژى كر، كو پێدڤیه ئراده وبه‌رژه‌وه‌ندیێن پێكهاتان به‌رچاڤ بهێنه وه‌رگرتن، ونابیت ئه‌و پێكهاته پشكداریێ هه‌لبژارتنان دا بكه‌ن بێی ئیرادا خۆ، هه‌روه‌سا ب نابیت ھیچ شێواز و فۆڕمه‌ک لسەر پێکهاتێن کوردستانێ بهێته سه‌پاندن.
