ئەڤرۆ ب سهرپهرشتیا شمعون شلیمون، جێگرێ پارێزگارێ دهۆكێ و ب ئامادهبونا ئالییێن ساخلهمی، پهروهردێ، ئێمناهیێ، یاسایی، رهوشهنبیری، ئهوقاف و نوونهرێن چهند دامودهزگەهان كۆمبوونەكا بهرفرههـ لدۆر بەرهنگاربوونا هۆشیاریا بكارئینانا ماددێن هۆشبهر هاته ئهنجامدان و تێدا چهند بابهتێن گرنگ هاتنه بهحسكرن.
د كۆمبوونێدا، مهترسیا بكارئینانا ماددێن هۆشبهر دناڤ جڤاكی و بهێزكرنا دهروازێن سنووری ژئالییێ رێڤهبهریێن پهیوهندیدارڤه و ئهنجامدانا پشكنیێن توند و چر هاته كرن و پاش چهند پێشنیارهك بۆ وهزارهتا ناڤخۆ یا حكومهتا ههرێما كوردستانێ بۆ دانانا چهند تاقیگههـ و ئامیرێن پێشكهفتی یێن پشكینانا ماددێن زیانبهخش هاتنه گۆتۆبێژكرن.
ههروهسا د كۆمبوونێدا بهحس ل گرنگیا ڤهكرنا خولێن هۆشیاری و پێگههاندنێ ژئالییێ ماموستایێن قوتابیێن ناڤنجی و ئامادهیی بۆ هوشیاریا قوتابییان و سهرهدهریكرنێ دگهل ڤان بابهتێن مهترسیدا هاتهكرن و بریاردا كار بهێته كرن بۆ ئهنجامدان و بهردهوامییا ورك شوپا دناڤ زانكۆیا دهۆك.
