وەزارەتا دەرڤە یا عیراقێ هێرشا ئیسڕائلێ بۆ سەر فەڵەستینیان ئیدانە دکەت

وه‌زاره‌ت دەرڤە یا عیراقێ هێرشا ئیسڕائیلێ بۆ سەر کەمپەکا ئاوارەیێن فەڵەستینێ ل باژێرێ جنین ئیدانە دکەت و پشتەڤانییا عیراقێ بۆ بابەتێ فەڵەستینیان دوپات دکەت.

ئەڤرۆ شەمبی  28- کانوونا دووێ 2023 د بەیاننامەیەکێ دا، ئه‌حمه‌د سه‌حاف، پەیڤدارێ وەزارەتا دەرڤە یا عیراقی هێرشا ئیسرائیلێ بۆ سەر خیڤەتگەها ئاوارەیان ل باژێرێ جنین کو دکەڤیتە باکوورێ کەنارێ ڕۆژئاڤایێ فەڵەستین ئیدانە کر، کو د ئەجامێ وێ هێرشێ دا نەهـ وەلاتییێن فەڵەستینی گیانێ خۆ ژ دەستدا و ژمارەیەکا دی برینداربوون.

د بەیاننامێ دا، پەیڤدارێ وەزارەتا دەرڤە یا عیراقێ ” پشتەڤانییا حکومەت و گەلێ عیراقێ” بۆ فەڵەستینییان دوپاتکر و داخواز ڕاگرتنا هێرشێن ئیسڕائیلێ بۆ سەر فەڵەستینیان کە.

هەروەسا پەیڤدارێ وەزارەتا دەرڤە یا عیراقی دوۆپاتی لسەر هەلویستێ وەلاتێ خۆ بۆ بابەتێ فەڵەستینیان کر وەک ” دوزەکا سەرەکی”.

ژ لایەکێ دیڤە، ئێڤارییا ڕۆژا ئەینی 27 کانوونا دووێ 2023، وەزارەتا ساخلەمییا ئیسڕائیلێ ڕاگەهاند،ژ ئەگەرێ هێرشەکا چەکداری بۆ سەر باژێرێ قودس، هەشت وەلاتییێن ئیسڕائیلی و 10 کەسێن دی ژی برینداربوون.