ئاژانسا خانى: تایبه‌ت
شڤێدى پێله‌كا به‌فربارینێ ل ده‌ڤه‌را ئامێدیێ و ده‌وروبه‌رێن وێ ده‌ستپێكریه و تانوكه یا به‌رده‌وامه.
رزگار صاركى رێڤه‌به‌رێ ناحیا شێلادزێ تایبه‌ت بۆ ئاژانسا خانى دیاركر، كو ژ شڤێدى وه‌ره به‌فر یا دباریت و چیایێن ده‌ڤه‌رێ ڤه‌گرتینه به‌لێ چ كارتێكرن ل ناڤا سه‌نته‌رێ باژێرى نه‌كرینه.
ژ لایێ خوڤه غازى عزه‌ت رێڤه‌به‌رێ ناحیا دێره‌لوكێ ب وه‌كاله‌ت ئاماژه ب هندێ كر، ل دێره‌لوكێ ژى به‌فر باریه به‌لێ ترومبێلێن باژێرڤانیێ هه‌ر زوى جاده پاقژكرینه و هاتن و چوون ب ره‌نگه‌كێ ئاسایى دهێنه‌كرن.
