<h3 style="text-align: justify;"><span style="font-size: 18pt;">بسپۆرهكێ نهخۆشییێن چاڤانا ل ئهمریكا چهند رێنمایان بۆ پاراستنا چاڤان ژ دیاردكهت و رادگههینیت: بكارئینانا ئاوێنه ( عهدهسه ) یێن چاڤان یێن دهستكرد دبیته ئهگهرێ هشكبوونا چاڤان.</span></h3> <h3 style="text-align: justify;"><span style="font-size: 18pt;">دكتۆر ریچارد فرانس ل ناڤهندا نوشدارییا مهین ل ئهمریكا ئاشكراكر، ئهو خوارنێن دهولهمهند ب ڤیتامین سى دشێن نیشانێن هشكبوونا چاڤان كێمبكهت، ههروهسا ساخلهمییا چاڤان دپارێزن، كو دژه ئوكسێنهرێن بهێزن و دشێن نیشانێن هشكبوونا چاڤان وهكو خووریان و سوربوونێ كێمبكهن.</span></h3> <h3 style="text-align: justify;"><span style="font-size: 18pt;">بسپۆرێ چاڤان رووندكهت، لهیمون، پرتهقال، شێلمدر، هنار، شتى و موز ب ڤیتامین سى د دهولهمهندن، و دشیاندایه ههر ئێك ژ وان ببیته شهربهت بۆ شێداركرنا چاڤان و كێمكرنا نیشانێن هشكبوونا چاڤان و مفا ژێ بهێته وهرگرتن.</span></h3> <h3 style="text-align: justify;"><span style="font-size: 18pt;">ل دووڤ دكتور ریچاردى، ئهوێن تووشى هشكبوونا چاڤان بووین، دشێن رۆژانه چایا كهسك ڤهخۆن، ژبهركو ئێك ژ دژهئوكێسنهرێن بهێزه، ههروهسا دبێژیت: رێكهكا دییا پاراستنا چاڤان ژ هشكبوونێ ههیه ئهوژى زێده ڤهخارنا ئاڤێ یه، ژبهركو دبیته ئهگهر چاڤ روونكێن زێدهتر بهرههمبینیت.</span></h3> <h3 style="text-align: justify;"><span style="font-size: 18pt;">دكتۆر ریچارد هۆشدارییێ ددهته وهلاتییان كو خوه ژ بكارئینانا ئاوێنه ( عهدهسه ) یێن چاڤان یێن دهستكر دووربكهن، ژبهركو ئهگهر ب پاقژى نههێنه بكارئینان، دێ بیته ئێك ژ ئهگهرێن كولبوونێ، ههروهسا بسپۆر دبێژیت كێمكرنا مانا ل بهر شاشهیان و خوه پاراستن ژ سهقایێ ب تۆز و دووركهڤتن ژ ژینگههێن پرى دووكێلا جگاره و نارگیلان ژ رێكێن گرنگێن پاراستن چاڤان ژ هشكبوونێ نه.</span></h3>
