ل به‌غدا دوو ده‌رمانساز ژبه‌ر بزاڤێن ده‌ستدرێژیكرنێ ل سه‌ر نه‌خۆشه‌كێ هاتنه‌ ده‌سته‌سه‌ركرن

ل نه‌خۆشخانه‌یه‌كا به‌غدا دوو ده‌رمانسازێن ب ره‌گه‌ز زه‌لام، ژنه‌كا نه‌خۆش ژ ژوورا نشته‌رگه‌رییێ بۆ ژووره‌كا دى ڤه‌دگوهێزن و بزاڤێ دكه‌ن ده‌ستدرێژییێ ل سه‌ر بكه‌ن، لێ دوى ده‌میدا هاتنه‌ دیتن و رێك لێ هاته‌ گرتن.

میدیایا عیراقێ به‌لاڤكر، ل نه‌خۆشخانه‌یا ( كندى ) ل به‌غدا، دوو ده‌رمانساز نه‌خۆشه‌كێ ژ ژوورا نشته‌رگه‌رییێ د ده‌رێخن و دبه‌نه‌ ژووره‌كا دى كو یا ڤالا بوو و ئه‌و نه‌خۆشه‌ ب تنێ لێ بوو، ل وێ ژوورێ ده‌رمانسازان بزاڤكر ده‌ستدرێژییا سێكسى ل سه‌ر وێ ژنێ بكه‌ن، لێ دوى ده‌میدا برایێ وێ ژنێ دچیته‌ دژوورڤه‌ و خووشكا خوه‌ ژ ده‌ستێن وان قوورتال دكه‌ت و دگه‌ل وان ده‌رمانسازان بشه‌ر دكه‌ڤیت.

ئه‌و دوو ده‌رمانسازه‌ ژلایێ هێزێن ئێمناهییا عیراقێڤه‌ هاتنه‌‌ ده‌سته‌سه‌ركرن و لێكۆلین دگه‌ل واندا ده‌ستپێكرییه‌.