دبرگهها ئێكێ یا كۆمبوونێدا، بهرنامهیێ دانوستاندنێن حكومهتا ههرێما كوردستانێ دگهل حكومهتا فیدرالى ژلایێ سهرۆك و ئهندامێن شاندیڤه ب مهرهما پهسهندكرنێ ژلایێ جڤاتا وهزیرانڤه، هاته دیاركرن ، ههروهسا شاندێ دانوستاندكار هاته راسپاردن كو سهرهدانا بهغدا بكهت و دهست ب كۆمبوونان بكهت.
سهرۆك وهزیران زێدهبارى دووپاتكرنا حهزا ههرێما كوردستانێ بۆ چارهسهركرنا ئاریشهیان ب شێوهیهكێ بنهرهى و ل سهر بنهمایێن دهستوورى و رێككهڤتنا لایهنێن پێكهێنهرێن حكومهتێ و كارنامهیا وهزارى یا كابینهیا نوو یا حكومهتا عیراقێ، ئاماژه ب هندێ دا كو ئهوا ل سهر ههرێما كوردستانێ و شاندێ ههرێمێ پێدڤى بوویه، هاتییه بجهئینان، لهوما چاڤهرێی حكومهتا فیدرالینه كو پابهندییێ ب بجهئینانا رێككهڤتنان بكهت.
گوت ژى، ب مخابنیڤه دادگهها بلندا ئیتیحادى بۆ تێكدانا ههر رێككهڤتنهكا دگهل حكومهتا فیدرالى ل سهر چارهسهركرنا ئاریشهیان، دهێته بكارئینان، سهرۆك وهزیران هیڤى خواستن پرۆژه قانوونا بودجهیا 2023ێ ب زووترین دهم بهێته پهسهندكرن و ماف و شایستهیێن دهستوورى یێن ههرێما كوردستانێ بهێنه دابینكرن.
برگهیا دووێ یا كۆمبوونێ پێكهاتبوو ژ دا دانوستاندكرنێ دهربارهى بابهتێ كاخهزێن دارایى ل ههرێما كوردستانێ.
جڤاتا وهزیران، وهزارهتێن دارایى و ئابوورى، بازرگانى و پیشهسازى، شههیدان و كاروبارێن ئهنفالكرییان و فهرمانگهها ههماههنگى و دوڤچوونێ راسپاردن، كو د دهمهكێ نێزیكدا سهرنج و تێبینى و راسپاردێن خوه سهبارهت ئهڤى بابهتى دراپۆرتهكێدا ئامادهبكهن، داكو دكۆمبوونا جڤاتا وهزیراندا بریارا پێدڤى ل سهر بهێتهدان.
دبرگهیا سێیێ یا كۆمبوونێدا چارهسهركرنا ئاریشهیێن بانكى ( خطاب ضمان) یا پرۆژهیێن راوهستییایى یێن حكومهتا ههرێما كوردستانێ هاتنه گوتوبێژكرن، و دانوستاندنێن پێدڤى ل دۆر ڤى بابهتى هاتنهكرن و چهندین پێشیاز و راسپارده بۆ چارهسهركرنا ئاریشهیان هاتنه خواندن و پهسهندكرن.
