فەرمانگەها میدیا و زانیاری راگەهاند، ل سەر داخوازا سەرۆکاتییا جڤاتا وەزیران، لژنەک بۆ دەستنیشانکرنا ئاریشێن بجهئینانا رێنمایا دارایی یا ژمارە 12 یا تایبەت ب پێداچوونا راگرتنا پلە بلند كرنا فەرمانبەران و هژمارتنا خزمەتا وان د كڤانێ بجهئینانا یاسایێ چاکسازییێ دا هاتییه پێكئینان.
وێ لژنێ د گاڤا خۆ یا ئێكێ دا، تیمێن دیوانا چاڤدێرییا دارایی و دەستەیا دەستپاکییێ و لژنەكا تایبەت ل وەزارەتا دارایی و ئابووری بۆ پرسا میلاکاتان راسپارتییه ب مەرهما پێداچوون و هووربینییێ ب دۆسیەیا فەرمانبەران دا.
ئهو ژی گۆتییه ، ژ سهرجهمێ 32 سازی یێن هەر سێ دەستههلاتێن «دادوەرى و یاسادانان و جێبەجێکرنێ»، پێداچوون د 365 هزار و 452 دۆسیەیان دا هاتییه كرن” كو حەفت هزار و 196 دۆسیەیان پلەىێن زێده بۆ گرێدا بوون و 15 هزار و 614 دۆسیەیان ژی زێدههییا مووچەیی هەبوو، سهرجهمێ جۆداهییا مووچێ وان دگههیته ملیارهک و 360 ملیۆن و 808 هزار دیناران.
فەرمانگەها میدیا و زانیارییان گۆت ژی، بۆ ئێکخستنا دۆسیەیێن کەسی” ئەفسەر، پلەدار و پێشمەرگەیان، ههتا نوكه ژ سهرجهمێ 60 هزار و 16 دۆسیەیان، 41 هزار و 982 دۆسیە، بۆ پێداچوونێ هاتینه ئامادە کرنن وهسا بریاره ههر زوو دۆسیەیێن نهیاسایی ژ روویێ پله بلند كرن و مووچێ زێده، بهێنه دەستنیشان کرن.
