محسن تەها، ڕێڤەبەرێ نەفت و كانزایان ل پارێزگەها دهۆكێ بۆ ئاژانسا خانی ڕاگەهاند، كۆمبوونەك ب ئامادەبوونا هەمی قایمقامێن قەزایان و ڕێڤەبەرێ گشتییێ گەشەپێدانا جڤاكی هاتبووكرن و تێدا بڕیار هاتبوودان بۆ هەر قەزایەكێ لدووڤ رێژا ئاكنجیبوونێ گازا سپی بهێتە دابەشكرن، ڕێڤەبەرییا گشتییا گەشەپێدانا جڤاكی لیستەك ئامادەكرییە و رۆژانە لدووڤ ئەوێ لیستێ پەیوەندییێ ب وان وەلاتییان دكەن داكو گازا سپی وەربگرن.
ڕێڤەبەرێ نەفت و كانزایان دیاركر، ئەو 10 تانكەرێن بۆ پارێزگەها دهۆكێ هاتین، بۆ دەمێ 4 رۆژانە ل ئاكرێ، بەردەرەش، شێخان، ئامێدیێ، زاخۆ و سێمێل دهێتە دابەشكرن و نوكە 80 هزار لترێن ماین دێ ئەڤرۆ ل سەنتەرێ دهۆكێ هێنە دابەشكرن و بۆ هەر مالەكێ 100 لتر دهێنەدان .
