کەڤرەکێ مەزن دکەڤیتە سەر رێیا ئامێدییێ

ئەندازیار ئەڤراز حەسەن سەرۆکێ باژێرڤانییا ئامێدییێ بۆ ئاژانسا خانی دیارکر، پشتی نیڤرۆیا ئەڤرۆ کەڤرەکێ مەزن ل ئامێدییێ دکەڤیتە خوارێ و گۆت:  ئەڤ کەڤرە کەڤتیە سەر رێیا کەڤنا ئامێدییێ و ئاستەنگ بۆ هاتنوچوونێ درووستنەکرینە و زیانێن گیانی نەبووینە.

ناڤبری ئاشکراکر ، ئەو کەڤر ل وی دەمی کەڤتیە دەمێ کو بیڤەلەرزا دووێ درووست بووی و گۆت : هێشتا ئەگەرێن کەڤتنا وی کەڤری دیارنەبووینە، لێ دبیت ژ ئەگەرێ بارانێن زوور سست ببیت و پاشان ژ ئەنجامێ کارتێکرنا پیڤەلەرزێ هڕیابیت و کەڤتبیتە خوارێ.

هه‌روه‌سا دیاركر، راکرنا وی کەڤری یا ب زەحمەتە و پێدڤی ب شکاندنێیە و نوکە تیمێن وان مژوولی راکرنێ نە.