ھەرسێ رێکخراوێن لاوان و ئافرەتان و قوتابیان ھەوەك بۆ کۆمکرنا ھاریکارییان دەستپێکر

رێکخراوێن ئێکەتییا لاوان و ئافرەتان و قوتابیان ھەوەك بۆ کۆمکرنا ھاریکارییان دەستپێکر و سکرتێرێ ئێکەتییا قوتابیانژی ئاشکراکر، کادرێن ھەرسێ رێکخراوان دبەرھەڤن بۆھەر ئەرکەکێ مرۆڤی بچنە تورکیا و سووریا.

نێچیرڤان حوسێن، سکرتێرێ ئێکەتییا قوتابیێن کوردستانێ بۆ ئاژانسا خانی دیارکر، ھەرسێ رێکخراوێن ئێکەتییا قوتابیان و لاوان و ئافرەتان ھەوەك بۆ کۆمکرنا ھاریکارییان بۆ زیانڤێکەتییێن باکوور و رۆژئاڤایێ کوردستانێ راگەھاندییە و ل سنورێ پارێزگەھێن سلێمانی و کەرکووك و ھەلەبجە و ئیدارەیێن راپەڕین و گەرمیان بۆ دەمێ ئێك حەفتی دێ ھاریکاری ھێنە کۆمکرن و حەفت لژنە بۆ کۆمکرنا ھاریکارییان ھاتینە پێكئینان.

نێچیرڤان حوسێن گۆتژی: ل سەر راسپاردەیا سەرۆکێ حوکمەتا ھەرێما کوردستانێ رێکخراو د بەرھەڤن بۆ کۆمکرنا ھاریکارییان و کادرێن مە ژی بۆ ھەر ئەرکەکی دبەرھەڤن ل ھەرێما کوردستانێ و ھەتا بەرھەڤن بچنە تورکیا و سووریا ئەگەر پێدڤی بکەت، ژبه‌ركو ئەڤە ئەرکەکێ مرۆڤییە بۆ کەس و لایەنان دھاریکاربن بۆ گەھاندنا هاریكارییان بۆ زیانڤێکەتیێن ئەردھەژا چەند رۆژێن بووری.