رێڤەبەرێ تیمێ ههوارهاتنا هەرێما کوردستانێ ل باژێرێ ئیسلاحییە ل پارێزگهها دیلۆکێ ل باکوورێ کوردستانێ، بۆ ئاژانسا خانى گۆت، وان وهكو تیمێ ههرێما كوردستانێ 20 ئەمبولانس بۆ وی باژێری تەرخان کرینە بۆ ڤهگۆهاستنا تهرمێن مرییان و كهسێن بریندار و دیار كر ژی” ئهو جهێ نوكه ئهو لێ 90% یا ئاڤاهی یێن وێ دهڤهرێ وێران بووینه و ب سهر ئێكدا هاتینه و نوكه ژی گهلهك كهس ماینه دبن ئاڤاهییان ڤه” ههروهسا ههتا نوكه تیمێ ههرێما كوردستانێ سێ كهس قورتالكرینه و دیسان رێژا بریندران زێده دبیت و نهخۆشی دناڤا خهلكێ دا بهلاڤ بووینه و دیسان سهقا گهلهك ساربوویه.
هەیسەم بەربهاری زێدهتر گۆت، ئەو 20 ئەمبوڵانسە ژ لایێ ههردو پارێزگههێن دهۆک و هەولێرێ هاتینه ئامادە کرن و ل سەرانسەری باژێركێ ئیسلاحیە كار دكهن و ههتا نوكه وان چارهسهرییا سێ هزار كهسان كرییه و ئهڤه ههشت رۆژن ئهو ل وی باژێری كار دكهن” دیسان مهترسی ل سهر تیمێن وان ههنه” ژبهركو ئاڤاهی ب رێژهكا مهزن ههرفتینه” بهلی ئهو گهلهك ب هشیاری كار دكهن و دیسان دهزگههێن ئهمنی یێن توركی گهلهك ل گهل وان د هاریكارن.
هێشتا دبێژیت: ئهو سەرهدانا جهێن ئهردههژێ و وان ئاڤاهییان دكهن یێن كه ههرفتین و هەر تەرمهكێ تیمێن وان دبینن” ژ لایێ وان ڤه دهێته ڤهگۆهاستن بۆ جههكێ تایبهت یێ كو بۆ وان هاتییه دیار كرن” ههروهسا هژمارا برینداران د زێدهبوونێ دایه و هندهك ژ وان برینداران دهێنه ڤوگۆهاستن بۆ نهخۆشخانێ و بۆ هندهكان ژی د ئهمبۆلانسان دا چارهسهرییا وان دهێته كرن.
ههیسهم بهربهاری ئهو ژی دیار كر: رێژا نهخۆشان زێدهبوویه و لدووڤ وێ ڤیزا ب وان هاتییه دان ئهو دشێن بۆ دهمێ 15 رۆژان ڤه بمیننه ل وهلاتێ توركییا و باكوورێ كوردستانێ” دیسان ههر بریارهكا حكومهتا ههرێما كوردستانێ و وهزارهتا ساخلهمییێ بدهت” ئهو دێ بجهـ ئینن.
