هژمارەکا قوتابییێن ئیزدی یێن سنورێ پەروەردا شنگالێ ب ڕێکا ئاژانسا خانی داخازێ ژ وەزیرێ پەروەردێ دکەن لیستا ناڤێن وان یێن ئەزموونێن “تەمهیدی” بهێتە ڕاستڤەکرن.
وان قوتابییان پەیوەندی ب ئاژانسا خانی کریە و ڕاگەهاندییە، لیستا ناڤێن وان بۆ ئەزموونێن “تەمهیدی” هاتییە، لێ ل جهێ ناڤێ ئایینێ “ئێزدی”، ناڤێ ئایینێ “ئیسلامێ” هاتییە نڤیسین، ئەو دبێژن، داخازا راستڤەکرنێ دکەین.
ئاژانسا خانی پەیوەندی ب “مەیسەر حەجی سالح” ڕێڤەبەرێ پەروەردا شنگالێ کر، ناڤهاتی ڕاگەهاند، ئاریشەیەکا تەکنیکی ژ تۆمارکرنا ناڤان چێبوویە و دێ دووڤچوونێ بۆ کەین ب ئارمانجا ڕاستڤەکرنێ.
