ئاژانسا خانى: تایبهت
رێڤهبهریا گشتى یا پلاندان و دیڤچوونێ ل وهزارهتا چاندنێ راگههاند، ههمى دهمان سیاسهتا وهزارهتێ دایه ژبو زێدهكرنا بهرههمى و باشتركرنا كوالێتیا بهرههمى، و رێنمایێن گرنگ ددهته جوتیاران ب تایبهت چاندنا گهنمى و ئهگهر هات و هشكهسالی دروست بوو دڤێت ب چ شێوه سهرهدهریێ دگهل بكهن.
زیدا محهمهد كهریم رێڤهبهرا گشتى یا پلاندان و دیڤچوونێ ل وهزارهتا چاندنێ تایبهت بۆ ئاژانسا خانى راگههاند، حكومهتا عیراقێ 4 ملیار دینار بۆ كهرهستێن قركهرێن كیمیاوى بۆ ههمى پارێزگههێن ههرێمێ دابینكرینه و تنێ رێكارێن كارگێرى ماینه بۆ مهزاخستنا وێ رێژا پارهى.
رێڤهبهرا گشتى یا پلاندان و دڤچوونێ ل وهزارهتا چاندنێ دیار ژى كر، ژبهركو روبهرێ چاندنا گهنمى ل ههرێمێ یێ كێمه پتر یێ دێمیه لهورا گهنم ل ههرێمێ پلهیا ئێك دهێت پشت بهستنێ لسهر رێژا بارانێ دكهت، و دئهڤسالهدا بارانێن باش بارینه و ئهگهر د مهها ئادارێدا بارانهكا دى بباریت دێ بهرههمهكێ باش مه ههبیت.
