ئەڤرۆ ئێشكه‌مبی 19 ی شواتا 2023 ێ” شاندێ دانوستاندکار یێ حكومه‌تا ھەرێما کوردستانێ و وەزارەتا نەفتا عێراقێ ده‌ربارەیی کەرتی نەفت و غازێ كۆمبووینه و بڕیار دا لژنەكا هه‌ڤپشك بۆ ئامادەکرن و داڕشتنا پرۆژە یاسایا نەفت و غازا فیدراڵی بهێته پێكئینان.
شیره‌تكارێ سەرۆکاتییا جڤاتا وەزیران بۆ وزێ” دیار كر: ئێک ژ وان کەرتێن پێدڤییە عێراق پێداچوونێ تێدا بكه‌ت، کەرتێ نەفت و غازێ یه، هه‌روه‌سا محمه‌د شیاع سوودانی سه‌رۆك وه‌زیرین عیراقێ ل كۆنفرانسێ ئیمناهییێ ل میونشن گۆت” دێ بزاڤێ كه‌ین ببینه خودان یاسایه‌كا نه‌فت و غازێ” ئه‌ڤه بابه‌ته‌كێ فه‌ره و دڤێت د ده‌مێ شه‌ش هه‌یڤان دا ئه‌ڤ بابه‌ته ب هه‌ڤكاری و هه‌ماهه‌نگییا پارێزگه‌هان و هه‌ڕێما كوردستانێ یاسایا نه‌فت و غازێ بهێته ئاماده كرن” چونكی یاسایێ نه‌فت و غازێ دێ بیته ئه‌گه‌رێ رێكخستن و ئیدارا كه‌رتێ نه‌فت و غازێ ل هه‌رێمێ و هه‌موو پارێزگه‌هێن عیراقێ” چونكی داهاتێ عیراقێ 96% ێ ل سه‌ر نه‌فتێ یه” لێ هه‌تا نوكه یاسایێ نه‌فت و غازێ ل عیراقێ نینه و دیسان زێده‌گاڤی ل سه‌ر یاسایێ نه‌فت و غازێ ل عیراقێ هاتینه كرن و حكومه‌تا فیدرالی خه‌م ژ ڤی بابه‌تی نه‌خوارییه”
د. بێوار خنسی” زێده‌تر بۆ ئاژانسا خانی گۆت: پێدڤییه نوونه‌رێن هه‌موو پارێزگه‌هان و یێن هه‌ڕیما كوردستانێ د ئاماده‌كرنا یاسایا نه‌فت و غازێ دا پشكدار ببن و ره‌شنڤیسێ سالا 2007 ێ ژ هه‌موویان باشتره” لێ هنده‌ك گوهۆرین تێدا چێبووینه.
ئه‌ڤ قانوونه ته‌كه‌زێ ل هندێ دكه‌ت” كو هه‌ر پارێزگه‌هه‌ك ئیدارا نه‌فتا خۆ بكه‌ت و دڤێت پارهێ نه‌فتێ بچیته بانكێ و ل سه‌ر هه‌موو پارێزگه‌هان بهێته دابه‌شكرن و دیسان قه‌ره‌بوویا وان جهان بكه‌ن یێن زیان گه‌هشتینێ.
ناڤهاتی ئه‌و چه‌ند ژی گۆت: هه‌روه‌سا دڤێت كه‌سێن شاره‌زا و بسپۆر د وارێ نه‌فتێ و غازێ دا بهێنه دانان” داكو بشێن سه‌ره‌ده‌رییه‌كا باش د بیاڤێ نه‌فتێ دا” دیسان دڤێت ئاریشه دناڤبه‌را به‌غدا و هه‌ولێرێ دا بهێنه چاره‌سه‌ر كرن” هه‌ر چه‌نده كارتیكرنێن هه‌رێمی ل سه‌ر عیراقێ گه‌له‌كن و دڤێت ره‌وشا عیراقێ و ژیانا خه‌لكێ وێ به‌ره‌ف باشتر ڤه بچیت” چونكی ل سالا 2022 ێ” 115 ملیار دۆلار داهاتێ نه‌فتا عیراقێ بوون” لێ ره‌ووشا خه‌لكێ وێ هه‌ر یا خرابه” باوه‌ریا خه‌لكێ ب حكومه‌تا عیراقێ كێم بوویه.
