ئه‌مریكا سه‌ره‌دانا شاندێ حكومه‌تا هه‌رێمێ بۆ به‌غدا ب سه‌ركه‌فتی بناڤ دكه‌ت ‌

ئه‌ڤرۆ سێشه‌مبی‌ (21 ی شواتا 2023) ێ، ئه‌لینا رۆمانۆوسكی، باڵیۆزا ئه‌مریكا ل عێراقێ د‌ تویته‌كێ دا هانا سه‌ره‌دانا ڤێ دووماهییێ یا شاندێ حكومه‌تا هه‌رێما كوردستانێ بۆ به‌غدا ب مه‌ره‌ما گوتۆبێژكرنا بابه‌تێ بودجه‌یی و نه‌فت و گازێ دده‌ت و ئه‌و سه‌ردانه‌ ب‌ “سه‌ركه‌فتی” بناڤ كرییه‌.

هه‌روه‌سا گۆتییه‌، چاره‌سه‌كرنا ” ئاریشێن هه‌لاویستی‌” یێن دناڤبه‌را حكومه‌تا هه‌رێما كوردستانێ و عێراقێ دێ خزمه‌تا “به‌رژه‌وه‌ندی یێن نیشتمانی یێن عێراقێ” كه‌ت و، دێ كار كه‌ت بۆ “سه‌ربه‌خۆكرنا كه‌رتێ وزێ” و پاراستنا سه‌قامگیرییا ڤێ ده‌ڤه‌رێ‌.