ئهڤرۆ ل سهلاحهدین سهرۆك مهسعود بارزانى پێشوازى ل شاندهكێ وهزارهتا دهرڤه یا هندستانێ كر، كو پێكهاتنبوون ژ دكتور ئەوسەف سەعید جێگرێ وهزیرێ دهرڤه یێ هندستانێ و براشانت پیسی بالیۆزێ هندستانێ ل عیراقێ و سوبهاش چاندرا كهین كونسۆسلێ هندستانێ ل ههولێرێ.
د دیدارێدا شاندێ مێڤان، رێز بۆ خهبات و تێكوشینا سهرۆك بارزانى و گهلێ كوردستانێ ههبوو و دوپاتى ل داخوازیێن وهلاتێ خۆ بۆ گرنگیپێدانا پهیوهندیێن دناڤبهرا ههرێما كوردستانێ و هندستانێدا د وارێن تهكنهلۆژیا و نۆژدارى و زانستى و ئهكادیمى و راهێناناندا كر. ههروهسا راگههاند ئارامیا ههرێما كوردستان و عیراق و رۆژههلاتا ناڤهراست بۆ هندستانێ گرنگیهكا تاییبهت ههیه.
د پشكهكا دى یا دیدارێدا سهرۆك بارزانى پهیوهندیێن دۆستایهتى دناڤبهرا گهلێ كوردستان و گهلێ هندستانێ ب پهیوهندیێن دێرین وهسف كرن و پشتهڤانیا خۆ بۆ بهرفرههكرنا پهیوهندیێن دناڤبهرا ههردوو لایان دوپاتكر.
