ل رۆژا جیهانی یا زمانێ دایکێ، سەرۆکێ حکومەتا ههرێما كوردستانێ دو بڕیار دهربارەیی گرنگیدان ب زمانێ کوردی دهركرن.
ئەڤرۆ سێشەمبی (21 ی شواتا 2023) ێ، كو ههڤدهمه ل گەڵ رۆژا جیهانی یا زمانێ دایکێ، مەسرور بارزانی، سەرۆکێ حکومەتا هەرێما کوردستانێ، دو بریارێن تایبەت ب گرنگیدانا زمانێ دایکێ دەرکرن.
بریارا ئیكێ:
ژ پێناڤی گرنگیدان ب زمانێ کوردی وەکو زمانێ دایکێ، مه بڕیار دا ب:
راسپاردنا وەزارەتا خواندنا بلند و ڤهكۆلینێن زانستی و وەزارەتا پەروەردێ ب هەماهەنگی ل گەل ئەکادیمییا کوردی و شارەزا و بسپۆرێن ڤی بیاڤی، ب ئامادەکرنا پرۆگرامهكێ گونجایی یێ فێربوونا زمانێ کوردی بۆ وان وهلاتی یێن بییانی ب مهرهما کارکرنێ ل هەرێما کوردستانێ د ئاكنجی.
فەرمانا دووێ:
بۆ ههموو وەزارەتان
بابەت/ گرنگیدان ب زمانێ کوردی
پشت بەستن ب قانوونا زمانێن فەرمی ل هەرێما کوردستانا/عێراقێ ژمارە (٦) یا ٢٠١٤ ێ، ژ پێناڤی پاراستنا زمانێ کوردی وەکو زمانێ سەرەکی ل هەرێما کوردستانێ، کارێ پێدڤی ئەنجام بدەن بۆ نڤێسینا تابلۆیان ب زمانێ کوردی ل ههموو سازییان، سازی یێن حکومی و نهحکومی، نڤێسینگەهـ و نوونەراتی و کونسوڵخانێن وهڵاتان و رێکخراوێن بیانی و کۆمپانی و سازی یێن کەرتێ تایبەت.
هەروەسا ل ئۆتێل و جهێن گەشتیاری و خوارنگههان، دڤێت گرنگی ب زمانێ کوردی بهێتهدان و لیستێن خوارنێ و رێبەر و رێنمایی، ب زمانێ کوردی ههبن.
