فەرمانگەها میدیا و زانیاری ڕاگەهاند، جڤاتا وەزیرێن هەرێما كوردستانێ ئەڤرۆ چارشەمبی دێ ب سەرپەرشتییا مەسرور بارزانی، سەرۆکوەزیرێن هەرێما کوردستانێ كۆمبن.
بڕگا ئێكێ یا كۆمبوونێ دێ یا تایبەت بیت ب بەرچاڤكرنا دەرئەنجامێ سەرەدان و كۆمبوونێن شاندێ هەرێما کوردستانێ ب سەرۆکایەتییا مەسرور بارزانی، سەرۆکوەزیرێن هەرێما کوردستانێ بۆ وەلاتێ ئیمارات و فەرەنسا.
هەروەسا دەرئەنجامێ كۆمبوونا شاندێ دانوستاندنێ یا حکومەتا هەرێما کوردستانێ یا حکومەتا فیدرال، لدۆر پرۆژەیاسایا پەترۆل و گازێ د بڕگا دووێ یا كۆمبوونێدا گۆتۆبێژكەن.
د بڕگا سیێ یا كۆمبوونێدا ڕەشنڤیسا پڕۆژەیاسایا ڕێكین گشتی یێن هەرێما کوردستانێ بەرچاڤكەن.
