قایمقامیا زاخۆ راگههاند، لڤان نێزیكان دێ دهڤهرهكا پیشهسازى یا ههڤچهرخ ل ئیدارا سهربهخۆیا زاخۆ ل سنوورێ ئیبراهیم خهلیل لسهر رووبهرێ هزار دونهمان هێته دروستكرن.
مشیر محمد بشیر قایمقامێ زاخۆ تاییبهت بۆ ئاژانسا خانى راگههاند، مهرهم ژ ڤى پروژهى ئهوه ئهو كارگههێن پیشهسازی یێن پرت و بهلاڤ دناڤ باژێریدا ل ئێك جهـ كۆمبكهت، دیسان بازرگانێن دهڤهرێ ل جههكێ كۆمڤهببن و ههروهسا ژینگهها باژێرى بهێته پاقژكرن و سیستهمهك ههبیت كنترۆل لسهر ژینگههێ و كوالێتیێ بهێتهكرن.
ناڤبرى دیار ژى كر، ههر دهمێ پێرابونێن ئیداری ب دوماهى بهێن دێ كار تێدا دهستپێكهت، ههروهسا دا دیاركرن كو دێ كارتێكرنێ لسهر بزاڤا پیشهسازییا دهڤهرێ هێتهكرن و دێ یا ههمهجور بیت وهكى پیشهسازیا خوارنێ و یا ترۆمبێلان یا كارگههان، كو ههمى دێ كۆمڤهبن و دێ داهاتى زێدهتر لێ هێت.
