نابیت هەمی پارێزەر بۆ ڕاگەهاندنێ باخڤن

سەندیکا پارێزەران لقێ دهۆک ڕادگەهینیت، ژبلی وان پارێزەرێن دهێنە دەستنیسانکرن، نابیت چ پارێزەرەکێ دی بۆ ڕاگەهاندنێ باخڤیت.

ل گۆرەی نڤیسارەکا سەندیکا پارێزەرێن کوردستانێ لقێ دهۆک، کو ئاراستەی گشت پارێزەرێن دهۆکێ کریە، کوپیەکا وێ دەست ب ئاژانسا خانی کەڤتیە، تێدا هاتییە،” سەندیکا پارێزەرێن کوردستانێ لقێ دهۆک ئاگەهدارییا هەمی پارێزەران دکەت، نابیت چ پارێزەر بۆ دەزگەهێن ڕاگەهاندنێ داخویانییان بدەن.”

ئاماژە کریە ژی، “چاڤپێکەفتن ب تنێ دێ دگەل وان پارێزەران هێتە ئەنجامدان یێن کو دهێنە دەستنیشانکرن ژ لایێ لقێ دهۆک یێ پارێزەرانڤە، بەروڤاژی ڤێ چەندێ پارێزەر دێ ل بەرامبەر یاسایێ یێ بەرپرسیار بیت.”