ئه‌ڤرۆ چارشه‌مبی، د نڤیساره‌كێ دا كو هاتییه ئاراسته كرن بۆ هه‌موو وه‌زاره‌ت و فه‌رمانگه‌هێن نه‌گرێدایی ب وه‌زاره‌تان كو ئیمزا ئاوات شێخ جه‌ناب، وه‌زیرێ دارایی و ئابووری یێ حكومه‌تا هه‌رێما كوردستانێ ل سه‌ر هاتییه كرن، بهایێ دۆلاره‌كێ به‌رامبه‌ر هزار و 300 دیناران هاتییه دیار كرن.
ئه‌و نڤیسارا وه‌زاره‌تا دارایی” كو ژماره (108) ل (1 ی ئادارا 2023) ێ” ده‌رچوویه، ئاماژه ب هندێ دایه كو پشته‌ڤانییا نڤیسارا بانكا ناڤه‌ندییا عێراقی یا ژماره (5/11/868) ل (8 ی شواتا 2023) ێ یا تایبه‌ت ب بهایێ گوهۆرینا دۆلاری ل هه‌موو فه‌رمانگه‌هـ و سازی یێن حكومه‌تا هه‌رێما كوردستانێ كار دێ پێ هێته كرن.
لدووڤ وێ نڤیسارێ، بهایێ دۆلاره‌ك ل به‌رامبه‌ر هزار و 300 دیناران (ئانكو 100 دۆلار به‌رامبه‌ر 130 هزار دیناران) ل به‌روارا (14/2/2023) ێ كار دێ پێ هێته كرن.
