مه‌سرور بارزانى: هیڤیدارم هه‌موو كه‌س ببنه‌ خۆدان ترۆمبێلێن خوه‌ و بگه‌هنه‌ هیڤییێن خوه‌

مه‌سرور بارزانى سه‌رۆكێ حكومه‌تا هه‌رێما كوردستانێ پێشناگه‌ها نێڤده‌وله‌تییا ترۆمبێلان (AUTO SHOW) ل هه‌ولێرێ ڤه‌كر.

پشتى ڤه‌كرنا پێشانگه‌هێ د داخویانییه‌كێدا سه‌رۆكێ حكومه‌تا هه‌رێما كوردستانێ دیاركر، ئه‌و گه‌له‌ك كه‌یفخۆشبوو ئه‌ڤرۆ سه‌ره‌دانا ئه‌ڤێ پێشانگه‌هێ كر، وى دڤێت ده‌ستخۆشییێ ل رێكخه‌رێن ئه‌ڤێ پێشانگه‌هێ بكه‌ت كو ب راستى ل ئاسته‌كێ گه‌له‌كێ بلنده‌ و ب شێوه‌یه‌كێ ب رێك و پێك هاتبوو رێكخستن، هه‌روه‌سا گوت: ترۆمبێلێن جۆره‌وجۆر ل ئه‌ڤێ پێشگانگه‌هێ هاتنه‌ نیشاندان و ئه‌و پێ خۆشبوو گوهلێبووى كو ل هه‌رێما كوردستانێ حه‌زه‌كا مه‌زن بۆ كرینا ئه‌ڤان جۆره‌ ترۆمبێلان هه‌یه‌.

هه‌روه‌سا گوت:هیڤییا وى ئه‌وه‌ هه‌موو كه‌س ببنه‌ خۆدان ترۆمبێلێن خوه‌ و بگه‌هنه‌ هیڤییێن خوه‌ و د سه‌ركه‌ڤتى بن.