مه‌سرور بارزانى پێشوازى ل سكرتێرێ گشتییێ نه‌ته‌وه‌یێن ئێكگرتى كر

مه‌سرور بارزانى سه‌رۆكێ حكومه‌تا هه‌رێما كوردستانێ ل باژێرێ هه‌ولێرێ پێشوازى ل ئه‌نتۆنیۆ گۆتیرێس، سكرتێرێ گشتییێ نه‌ته‌وه‌یێن ئێكگرتى كر.

سكرتێرێ گشتییێ نه‌ته‌وه‌یێن ئێكگرتى، خۆشحالییا خوه‌ ب سه‌ره‌دانكرنا هه‌رێما كوردستانێ نیشاندا و په‌سنا پێشكه‌ڤتن و ئاڤه‌دانییا هه‌رێما كوردستانێ كر و ئاماژه‌ ب هندێ دا، هه‌رێما كوردستانێ جهه‌كێ تایبه‌ت د دلێ ویدا هه‌یه‌ و خه‌بات و قۆربانیدانێن گه‌لێ كوردستانێ ناهێنه‌ژبیركرن، و هیڤییا وى ئه‌وه‌ كوردستان هه‌موو ده‌مان یا بهێز و ئێكگرتى بیت و ئاریشه‌یێن دناڤبه‌را هه‌رێما كوردستانێ و حكومه‌تا فیدرالدا چاره‌سه‌ر ببن.

سه‌رۆكێ حكه‌مه‌تێ سوپاسى و پێزانین بۆ پشته‌ڤانی و رۆلێ نه‌ته‌وه‌یێن ئێكگرتى ب تایبه‌ت رۆلێ كارا یێ یونامییێ ل عیراق و هه‌رێما كوردستانێ ده‌ربرین، و دووپاتى ل گرنگییا چاره‌سه‌ركرنه‌كا بنه‌ره‌ت بۆ ئاریشه‌یێن دناڤبه‌را هه‌رێما كوردستانێ و حكومه‌تا فیدرالدا ب هاریكارییا نه‌ته‌وه‌یێن ئێكگرتى و كۆمه‌لگه‌ها نێڤده‌وله‌تى كر.

چاكسازییێن گشتگیر و هه‌موولایانه‌یێن كابینه‌یا نه‌هێ و پێدڤییێن بجهئینانا رێككه‌ڤتنا شنگالێ و ده‌ركه‌ڤتنا میلیشی و گرۆپێن چه‌كدارێن نه‌قانوونى و ڤه‌گه‌راندنا ئاواره‌یان بۆ ده‌ڤه‌رێن وان و گرنگرییا پاراستنا ئاسایش و سه‌قامگێرییا هه‌رێما كوردستانێ، ته‌وه‌ره‌كێ دییێ دانوستاندنان بوو.