ڕاگەهاندنا كۆمبوونا كۆمیتەیا ناڤەندییا پارتییا دیموكراتا كوردستانێ
ئهڤرۆ، پێنجشهمبی 2ی ئادارا 2023، ب سهرپهرشتییا سهرۆك مهسعود بارزانی، كۆمیتهیا ناڤەندییا پارتییا مە، كۆمبوونا ئاسایی یا خوە ئهنجامدا.
كۆمبوونێ، پشتی دەمەكێ راوهستیان و نیشاندانا رێزێ بۆ شەهیدێن كوردستانێ سهروهرێ وان بارزانییێ نهمر و كاك ئیدریسێ هەردەم ل بیر، ل دووڤ خشتهیا ئامادهكری ئهوان تهوهرێن خارێ هاتنە گەنگەشەكرن و، بڕیارێن پێدڤی ژی سهبارهت ب چهند پرسەكان هاتنەدان:
-
بابهتێ پرۆسهیا سیاسییا عێراقێ و پهیوهندییێن مە ل گهل حكومهتا فیدرال، پارتیا مە ل دووڤ رێككهڤتنەكا سیاسی ب هەڤپشكی ل گهڵ هەڤپەیمانییا ئیدارهیا دهوڵهتێ پشكداری د پێكئینانا كابینهیا بهڕێز محهمهد شیاع سودانیدا كرییه و، به سازان كارنامهیهكا هەڤپشك هاتییە ئامادەكرن كو خواست و بۆچوونا لایهنێن بهشدار د كابینهیا نوو دا به ڕوهنی تیدا رهنگڤەدایە، كۆمبوون پشتەڤانییا خوە بۆ سهرۆك وهزیران و كابینهیا وی دووپاتكرەڤە و، چاڤەرێی جێبهجێكرنا ناڤهرۆكا رێككهڤتنان و بڕگه و خالێن كارنامهیێن پەسەندكر دكەت، بۆ ئهڤێ مەرەمێ ژی لایهنێن پهیوهندیدار هاتنە راسپاردن بۆ دووڤچوون و ل بهرچاڤ وەرگرتنا وان دەمان كو بۆ بجهئینانا وان هاتیینە دیاركرن.
-
بابهتێ پهیوهندیێن مە ل گهڵ لایهنێن بهشدار د پرۆسهیا سیاسییا عێراقێدا، گهۆڕین و ڕوودانێن دەڤەرێ ب گشتی و عێراقێ ب تایبهتی پێدڤی به سەرراوەستیان و شرۆڤەكرنێن سیاسییێن رژدن، لەورا ژ لایێ سهرۆك بارزانی و پارتیا مە بهردهوام ههڵسهنگاندن بۆ ئهوان بابهتان دهێتە كرن، كو بهشەك ژ ڤان گهۆرین و ڕوودانان راستهوخۆ یان نە ڕاستهوخۆ كاریگهریێن خوە دێ ل سەر دروستكرنا ئاڵۆزییێن سیاسی یان ژی ئابووری و ئهمنی هەنە، بۆ ئەڤێ مەرەمێ ژی پێدڤییە ئاڵنگاری و چارهسهری بهێنە زانین و ل گهڵ لایهنێن بهشدار د ئیدارهیا دهوڵهتێدا ههماههنگی و بیروڕاگهۆڕین بهردهوامی ههبیت ب تایبهتی كو بهشەك ژ ئەوان ئاریشەیێن دهێنە پێش پهیوهندییا وان ب ژیارا وەڵاتیان و ئاسایشا جڤاكیڤە ههیه، د كۆمبوونێدا ههڤالێن پهیوهندیدار هاتنە ڕاسپاردن بۆ بەرهەڤییێن تەمام و ب جهئینانا ئهوا كو پێدڤییە د وی بیاڤیدا بهێتە كرن.
-
بابهتی پهیوهندییێن ناڤخۆ و دهرڤەیا كوردستانێ، ل ژێر رۆشنایی یا بڕیارا مە یا پێشتر بۆ ڤەكرنا لاپهڕهیهكا نوو د پهیوهندییان، ههڵسهنگاندنێن هویر هاتنە كرن بۆ هاڤێتنا پێنگاڤان د وی بیاڤیدا و، سهرەدانا شاندێ پارتییا مە بۆ دەف حزب و لایهن و پێكهاتەیێن كوردستانێ هاتنە گەنگەشەكرن و ب پەسەند هاتە زانین ئهو پێنگاڤ بهردهوام بن و گرنگی ب ئەوێ پرۆسەیێ بهێتە دان، هەڤدەم گرنگی ب پهیوهندییێن خوە یێن دەرڤە بدهین.
