مەسرور بارزانی سەرۆکێ جڤاتا وەزیرێن هەرێمێ ڕاگەهاند، د کۆمبوونا ئەڤڕۆدا مە داخوازی تیما وەزارییا ئێکەتییا نیشتمانییا کوردستانی کر کو ڤەگەڕنەڤە بۆ کۆمبوونێن جڤاتا وەزیران. ئەڤە چەندین جارە داخوازی ژ وان دهێتەکرن بەشداری کۆمبوونێن جڤاتا وەزیران بکەن و د ئاستێ بەرپرسیارەتییا خوە و باوەرییا خەڵک و پەرلەمانیدا بن.
گۆت ژی، ب نڤیسارا فەرمی ژی، داخواز ل وان هاتیەکرن ک ڤەگەڕن، لێ مخابن هەتا نوکە ڕێک ب وان نەهاتییە دان بەشدارییێ بکەن.
سەرۆکێ حکومەتێ گۆتییە ژی، جڤاتا وەزیران جهێ خزمەتکرنا خەڵک و چارەسەرکرنا کێشەیانە و بەشداری نەکرن د کۆمبوونان و ڕەڤین ژ بەرپرسیارییێ، چارەسەرییا هیچ ئاریشەیەکێ ناکەت و بەروڤاژی، بەرامبەری سویندا خوە یا یاسایی و خەڵکێ کوردستانێ دکەڤنە هەمبەری بەرپرسیاریەتییەکا مەزن.
