پوتن و ڕەئیسی ب تەلەفۆنێ ئاخڤتن

سه‌رۆك كۆمارێ ئیرانێ و سه‌رۆكێ رووسیا ب ڕییا تەلەفۆنێ گوتوبێژ دەربارەی پەیوەندییێن دناڤبەرا مۆسکۆ و تەهرانێ دا کرن.

ل گۆرەی ڕاگەهاندنەکا سه‌رۆكایه‌تییا كۆمارا رووسیا (كرملین)، ڤلادیمێر پوتن سه‌رۆكێ رووسیا و ئیبراهیم ره‌ئیسی سه‌رۆك كۆمارێ ئێران، ب ڕێیا تەلەفۆنێ دانوستاندن دەربارەی پەیوەندییێن رووسیا و ئیرانێکرن، ب تایبەتی ژی باس ل ژێرخانا هەڤپشک و پڕۆژەیێن خزمەتگوزاری کرن.

پێشتر ژی كیێڤ و هەڤپەیمانێن وێ، تەهران تۆمەتبارکربوو، كو‌ درۆنان بۆ رووسیا دابین ده‌كەت و د شەڕی دژی‌ ئۆكراینا دا بکار دئینیت و ئەو درۆنە بنگەهێن ئەتۆمی و مەدەنی دکەنە ئارمانج.

پەیڤدارێ وه‌زاره‌تا ده‌رڤە یا رووسیا پێشتر ڕاگەهاندبوو، ئه‌وا واشنتۆن دەرباره‌ی درۆنێن ئیرانی‌ باس دكەت، ب تنێ بزاڤەکە دا فشاران بێخنە سەر تەهرانێ.