عیراقێ و ئەڵمانیا سێ رێککەفتن د بوارێ وزێ دا ئیمزا کرن

محه‌مه‌د شیاع سوودانی سه‌رۆكوه‌زیرێن عیراقێ و ئانالینا بێیربووك وه‌زیرا دەرڤە یا ئه‌ڵمانیا ل‌ به‌غدا كۆمبوون، د وی چوارچووڤەی دا عیراقێ و ئەڵمانیا سێ رێککەفتن د بوارێ وزێ دا ئیمزا کرن.

 نڤیسینگەها ڕاگەهاندنا سه‌رۆكوه‌زیرێن عیراقێ د ڕاگەهاندنەکێدا ئاماژەکریە، محەمەد شیاع سوودانی، سەرۆکوەزیرێن عیراقێ و ئانالینا بێیربووك وه‌زیرا دەرڤە یا ئه‌ڵمانیا، دووپاتی ل سەر هەڤکاری و هەماهەنگییا هەڤپشک و هەروەسا ئالوگۆڕا پێزانینێن ئەمنی یێن دناڤبەرا بەغدا و بەرلین دا کر.

ژ لایێ خۆڤە، وه‌زیرا دەرڤە یا  ئه‌ڵمانیا سلاڤێن ئۆلاڤ شۆڵتز شیرەتکارێ ئه‌ڵمانیا گەهاندنە سوودانی، پشتەڤانییا وەلاتێ خۆ بۆ بجهئینانا چاکسازییێن ئیداری و ئابووری بۆ بەغدا دوپاتکر.

پاشی مەراسیمێن ئیمزاکرنا سێ ڕێککەفتنان د بوارێ وزێ دا دناڤبەرا ئەڵمانیا و عیراقێ دا ب ئامادەبوونا محەمەد شیاع سوودانێ بڕێڤەچوون.