عیراقێ پلان هه‌یه‌ ده‌ست ب ‌سه‌ر 20 ملیۆن چه‌كێن د ده‌ستێ هۆز و گرووپان دا بگریت

حكومه‌تا عێراقێ پلانه‌كا ب هێز‌ ب ‌هاریكاری نه‌ته‌وێن ئێكگرتی دارێژتییه‌، بۆ كۆمكرنا وان چه‌كێن د ده‌ستێ هۆز و گرووپێن‌ نه‌ یاسایی دا هه‌ین، كو ب‌‌ 20 ملیۆن پارچێن‌ چه‌كی دهێنه‌ خه‌ملاندن و بووینه ئه‌گه‌رێ‌ زێده‌کرنا كریارێن تیرۆریستی ل عێراقێ.

غازی فەیسەل حسێن، سەرۆکێ سەنتەرێ عێراقی بۆ ڤه‌کۆڵینا ستراتیژی، دیار كر: حكومه‌ت دشێت یا سه‌ركه‌فتی بیت بۆ‌ نه‌هێلانا چه‌كی د ده‌ستی هۆزان و گرووپێن‌ نه‌یاسایی.

وەزارەتا ناڤخۆ یا عێراقێ د‌به‌یاننامه‌كێدا راگەهاند، عەبدولئەمیر ئەلشەمەری،  وەزیرێ ناڤخۆ یێ عێراقێ، سەرپەرشتییا کۆمبوونا لژنا نیشتمانی یا هەمیشەیی بۆ رێکخستنا چەکی و سنووردارکرنا چەکی د  دەستێ دەوڵەتێ دا کر، د وێ ‌كۆمبوونێ ‌دا سیۆنیتا گراسی، رێڤه‌بەرا جیهانی یا بەرنامەیێ چەکی ل ئۆفیسا نەتەوێن ئێکگرتی بۆ مادێن بێهۆشكه‌ر و تاوانان ئاماده‌بوویه‌.

وه‌زیرێ ناڤخۆ یێ عێراقێ گۆت، د ‌چارچۆڤێ به‌رنامه‌كێ رێكخستی‌، ل گه‌ڵ نه‌ته‌وێن‌ ئێكگرتی، دێ رێگرییێ كه‌ین ل ‌چه‌كێ بێ مۆله‌ت.