مەسرور بارزانی: کوردستانەکا بهێزتر پێدڤی ب ژێرخانەکا باوەرپێکری یا بانکی هەیە

سه‌رۆكێ حكومه‌تا هه‌رێما كوردستانێ ڕاگەهاند، مە دەست ب وەرچەرخانا پارەدانا دیجیتاڵی کر و کوردستانەکا بهێزتر پێدڤی ب ژێرخانەکا باوەرپێکری یا بانکی هەیە.

ئه‌ڤرۆ سێشەمبی 7 ئادارا 2023، مەسرور بارزانی، سەرۆکێ حکومەتا هەرێما کوردستانێ د تویتەکێدا ئاماژە ب سەرەدانا خۆ یا ئەڤرۆ بۆ نەخۆشخانا ئافرەتان و ژ دایکبوونێ یا هەولێرێ کر و نڤیسیە:” نوشدار و پەرستار و کارمەندێن ئەڤێ نەخۆشخانەیێ دێ مفای ژ خزمەتگوزارییێن بانکی یێن تاکەکەسی بینن.”

سەرۆکێ حکومەتا هەرێما کوردستانێ دوپاتی کر، ئارمانج ژ پرۆژەیێ هەژمارا من پشکداریکرنا ئێک ملیۆن کارمەندێن کەرتێ گشتییە د دەمێ دوو سالاندا.

هەروەسا د تویتێ سه‌رۆكێ حكومه‌تا هه‌رێما كوردستانێ دا هاتیه‌، “کوردستانەکا بهێزتر پێدڤی ب ژێرخانەکا باوەرپێکری یا بانکی هەیە.”