نه‌به‌ز ئیسماعیل په‌یڤدارێ وه‌زاره‌تا ئه‌وقافێ دبێژیت: وان مولك ل هه‌موو پارێزگه‌هـ و ئیداره‌یێن سه‌ربه‌خۆ یێن هه‌رێما كوردستانێ هه‌یه و دێ ل دووڤ رۆژان بهایێ كرییێ دانن.
وه‌زاره‌تا ئه‌وقافا هه‌رێما كوردستانێ لژنه‌یه‌ك بۆ پێداچوونێ ل كرێیا مولكێن وه‌زاره‌تێ پێكئینا، و ئه‌وێ لژنه‌یێ ل هه‌ر چار پارێزگه‌هـ و ئیداره‌یێن سه‌ربه‌خۆ ده‌ست ب كارى كرییه، و مولكێن وه‌زاره‌تا ئه‌وقافێ دجۆره‌وجۆرن ژ وان هۆتێل، شوقه، به‌نزینخانه، دووكان و زه‌ڤییێن چاندنێ.
نه‌به‌ز ئیسماعیل د بێژیت، ئارمانجا وه‌زاره‌تێ زێده‌كرنا داهاتییه ل دووڤ رۆژان، و ل چ جهان بهاى وه‌سا بلند ناكه‌ن كو وه‌لاتى پێ دلگران بن و زیان بگه‌هیتێ، لێ نابیت ژى ژ ئه‌ڤرۆ وێڤه ب كرێیا سالانه یا به‌رده‌وامبیت ژبه‌ركو گه‌له‌ك یا كێمه.
وه‌زاره‌تا ئه‌وقافا هه‌رێما كوردستانێ دناڤبه‌را پێنج هه‌تا شه‌ش هزاراندا مولك ل هه‌رێما كوردستانێ هه‌یه، و په‌یڤدارێ وه‌زاره‌تێ دبێژیت: پشتى پێداچوون تمام دبیت دێ داهات چه‌نده‌كێ زێده‌بیت.
