یانا ریال مەدرید ده‌ربارەیی گەندەلی یێن بارسێلۆنا دێ کۆم بیت

یانا ریال مەدرید یا ئیسپانی بۆ گوتۆبێژکرنێ ده‌ربارەیی وان تۆمه‌تێن داینه‌ پاڵ یانا بارسێلۆنا دێ کۆم بیت و دێ هەلویستێ خۆ راگەهینیت.

یانا ریال مەدرید دیار كرییه‌ ” ل به‌رچاڤ وه‌رگرتنا جددییەتا بابەتێن وان تۆمه‌تێن داینه‌ پال یانا بارسێلۆنا و ده‌ستێوه‌ردانا دو سەرۆکێن وێ یانێ د بابه‌تێ دانا بەرتیلان بۆ جێگرێ سەرۆکێ به‌رێ یێ لژنا هونەری و داڤانان، خۆسێ ماریا ئێنریکێز نیگرێرا، سەرۆکێ وێ یانێ دێ ل گەڵ جڤاتا کارگێڕی یا وێ یانێ كۆم بیت.”

هه‌روه‌سا گۆتییه‌، کۆمبوونا وان دێ ل رۆژا ئێکشەمبی ل ده‌مژمێر 12:00 بیت و سەرۆکێ ریال مەدرید، فلۆرێنتینۆ پیرێز، بۆ بڕیاردانێ ده‌ربارەیی هەڵویستێ خۆ ده‌ربارەیی وی بابه‌تی دێ گوتۆبێژان ل گەڵ ئەندامێن جڤاتا کارگێڕییا وێ یانێ كه‌ت.

هه‌تا نوكه‌ یانا شاهانه‌ بێدەنگی هەڵبژارتبوو، بەلێ پشتی كو داخوازكارێ گشتی یێ ئیسپانییا ب فەرمی تۆمەتێن ل سەر یانا بارسێلۆنا پشتڕاست کرین، وێ یانێ بێدەنگی شکاند.

د ده‌مێ چەند حه‌فتی یێن بوری دا، گەندەڵییەكا مه‌زن یا بارسێلۆنا ئاشکرابوو، کو پێشتر هەردو سەرۆکێن وێ یانێ ساندرۆ رۆسێل و جۆزێپ ماریا بارتۆمیۆ پارە داینە نیگرێرا بۆ هندێ ژ روویێ دادڤانیڤه‌ هاریکارییا وان بکه‌ت بۆ هندێ ئەنجامێن چەند یارییان د بەرژەوەندییا وان دا ئێکلایی بکه‌ت.