دیندار زێبارى ئهوژى ئاشكراكر، پشتى دهستبكاربوونا یونیتادێ، حكومهتا ههرێمێ و سهرۆكێ حكومهتێ بخۆ پشتهڤانییهكا تمام ل تیما یونیتادێ و ئهركێن وێ دكهت و پێشكهڤتنهكا باش دوى بیاڤیدا هاتییه، ب تایبهتى ل پرۆسهیا ئهرشیفكرنا بهلگهیان و ئالۆگۆركرنا زانیاریێن دناڤبهرا ههردوو لایاندا و پرۆسه دێ یا بهردهوام بیت.
ژلایێ خۆڤه، كریستن ریتسچێر راگههاند، ههماههنگی دگهل لژنهیا ههماههنگیكار یا نیشتیمانى بۆ ههماههنگیكرنێ دگهل یونیتادێدا یا بهردهوامه و دوى بیاڤیدا پلان ههنه، د پرۆسهیا یونیتادێدا بنیاتدانانا شیانێن دادوهران ل ههرێم و بهغدا ب رێكا وۆرك شۆپ و خۆلێن راهێنانان دبهردهوامن، كو ئارمانج ژێ بهێزكرنا شیانێن دادوهرانه بۆ باشتر تێگههشتن و بجهئینانا ستانداردێن جیهانى ل لێكۆلینێن دادگههكرنا تیرۆرستێن داعشێدا ل سهر تاوانێن وان یێن نێڤدهولهتى.
