تا نوکە نەخۆشخانەیێن تایبەت داشکاندنا 50% بۆ کەسوکارێن شەهیدان نە کریە

ب مەرەما دووڤچوون ل سەر بڕیارا وەزارەتا ساخلەمییێ یا حوکمەتا هەرێما کوردستانێ کو باس ل داشکاندنا 50% یا خزمەتگوزاریێن  ساخلەمییێ ژلایێ نەخۆشخانێن تایبەت بۆ کەسوکارێن شەهیدان دکەت ، ئەڤرۆ رێکخراوا شەدا بۆ خزمەتکرنا کەسوکارێن شەهیدان، ژ نێزیک سەرەدانا د. ساما بەرزنجی، وەزیرێ ساخلەمییێ یێ حکومەتا هەرێما کوردستانێ کر بۆ دووڤچوون ل سەر بجهئینانا ئەوێ بێیارێ.

زێرەڤان شەهید عەبدوللا، سەرۆکێ رێکخراوا شەدا بۆ خزمەتکرنا کەسوکارێن شەهیدان بۆ ئاژانسا خانی گۆت، د هەڤدیتەکێدا ل گەل وەزیرێ ساخلەمییێ مە ب درێژی  باس ل بجهئینانا ئەوێ بریارێ کر، کو ژلایێ هندەک ژ نەخۆشخانێن کەرتێ تایبەت ڤە ب تایبەتی ل پاڕێزگەها دهۆکێ کو هەتا نوکە نەهاتیە بجهئینان.

سەڕۆکێ رێکخراوا شەدا، زێدەتر گۆت، ئەم  دگەل وەزارەتێ دێ ب جدی دووڤچوونێ ل سەر بجهئینانا بریارا وەزارەتا ساخلەمییێ کەین، هەر نەخۆشخانەکا پێگیریێ ب بڕیارا وەزارەتا ناڤبری نەکەت، دێ  سکالا ژلایێ کەسوکاێن شەهیدانڤە ل سەر وان نەخۆشخانەیان هێتە تۆمارکرن و دێ ژلایێ دادگەهان ڤە پێرابوون هێنە وەرگرتن، وەزارەتا ساخلەمییێ ژی دوپاتی ل بجهئینانا بڕیارێ کریە و پشتەڤانیا خوە بۆ سکالایێن کەسوکارێن شەهیدان دوپاتکریە، لەورا ب هەر ڕێیەکا هەبیت پێدڤیە داشکاندن بۆ کەسوکارێن شەهیدان د خزمەتگۆزارییێن ساخلەمییێ دا بهێتە کرن ، چونکی هەتا نوکە ئەو بڕیارە نەهاتیە بجهئینان و کەسوکارێن شەهیدان گازندەیان ژ نەخۆشخانێن تایبەت دکەن دکەن.