ئومێد سەباح، سەرۆکێ دیوانا جڤاتا وەزیران ڕاگەهاندیە، “ئەڤرۆ دووشەمبی 13 ئادارا 2023، ل دیوانا جڤاتا وەزیران، مە پێشوازی ل کونسۆلێ گشتی یێ رووسیا ل هەولێرێ کر.”
ئاماژە کریە ژی،”د دیدارێدا کونسۆلێ گشتی یێ رووسیا، هاتنا جەژنا نەورۆزێ یا نەتەوەیێ کورد و سالا نوو یا کوردی ل مە و گەلێ کوردستانێ پیرۆزکر.”
دیارکریە ژی، د دیدارێدا هزر و بوچوون دەربارەی پەیوەندییێن دناڤبەرا هەرێما کوردستانێ و رووسیا دا هاتنە لێکگۆهاڕتن و دوپاتی ل بەردەوامییا پەیوەندییێن دناڤبەرا هەردوو لایاندا هاتە کرن.
ژ لایەکێ دیڤە، پرسێن نوکە و گۆڕانکاری و پێشهاتێن دناڤ پڕوسەیا سیاسی یا عیراقێ دا و دوماهی سەرەدانا شاندێ حکومەتا هەرێما کوردستانێ بۆ بەغدا و بەردەومبوونا گۆتوبێژێن دناڤبەرا حکومەتا هەرێمێ و بەغدا دا، د چوارچووڤێ دەستووری و کارناما حکومەتا نوو یا عیراقی دا و ب ئاراستەیێ چارەسەرکرنا پرسێن هەلاویستی تەوەرەکێ دی یێ کۆمبوونێ بوون.
