گولستان باقی، ئەنداما پەرلەمانێ كوردستانێ ژ فراكسیۆنا پارتی بۆ ئاژانسا خانی ڕاگەهاند، نێزیكی سالەكێ مە خۆلا پەرلەمانی درێژكر داكو ڤالاهییا یاسایی دروست نەبیت، بەلێ د چەند رۆژێن بووریدا رێككەفتنەكا باش و لێك نێزیكبوونەك دناڤبەرا پارتی و ئالییێن سیاسی تایبەت پارتی و ئێكەتیێدا دروستبوو دا بگەهنە رێككەفتنەكێ و هەلبژارتن د دەمێ خۆ دا بهێنەكرن داكو قەوارا هەرێمێ یا پاراستی بیت.
ئەنداما پەرلەمانێ كوردستانێ دیاركر، ئەنجامدانا هەلبژارتنان مافێ رەوا یێ وەلاتییێن هەرێمێ یە و پارتی هەردەم دگەل هندێ یە كو چ ئالۆزی پەیدا نەبن و بزاڤ دكرن ئالییێن سیاسی بگەهنە رێككەفتنەكا باش، دا هەلبژارتن د ئەڤ سالەدا بهێنەكرن، ئەڤجا ئالییێن سیاسی پلانێن باش هەنە داكو دووبارە وەلاتی سەرەدانا سندووقێن دەنگدانێ بكەن.
