ل رۆژا هه‌لكرنا ئاگرێ نەورۆزێ چه‌ندین چالاكی دێ ل دهۆكێ هێنه‌ كرن

ئاژانسا خانی ” تایبه‌ت:

هه‌كار محه‌مه‌د ئه‌مین رێڤه‌به‌رێ لاوان ل پارێزگه‌ها دهۆكێ بۆ ئاژانسا خانى دیار كر، رێڤه‌به‌رییا گشتی یا ره‌وشه‌نبیرى و هونه‌رى ل پارێزگه‌ها دهۆكێ ل گه‌ل چه‌ندین سازی یێن دیتر به‌رهه‌ڤى و پلانه‌ك دانایه‌ بۆ هندێ ئێڤاریا نه‌ورۆزێ ب جوانترین شێوه‌ بهێته‌ كرن.

ناڤهاتی گۆت ژی: ل 20 ى هه‌یڤێ دێ خه‌تیرێن ئاگرى به‌ره‌ڤ كێلیا شه‌دایێ چن و وه‌رزشڤان دێ ل وێرێ ئاگرى هه‌لكه‌ن، هه‌روه‌سا ئالایه‌كێ كوردستانێ كو 170 مه‌تران یێ درێژ و 27 مه‌تران یێ فره‌هـ دێ هێته‌ چێكرن‌ ژ لایێ گرۆپێ ئالایڤه ب هاریكاریا هێزێن فه‌رماندا دهۆكێ وه‌كو كۆم دێ ل پێشیێ بچن  ل به‌رى خه‌لكێ دێ ل ده‌ف دێرا به‌رانی یا مه‌سیحییان به‌ره‌ڤ پاركا نه‌ورۆزێ ڤه‌چن و ل وێرێ ئاگر دێ هێته‌ هه‌‌لكرن.

هه‌كاری گۆت ژی: ئاگرێ نه‌ورۆزێ دێ ل پاركا نه‌ورۆز و كێلیا شه‌دایێ و كێلیا فرعینى هێته‌ هه‌لكرن ب ئاماده‌بوونا خه‌لكێ پارێزگه‌ها دهۆكێ.

هێشتا دبێژیت: هه‌مى ته‌خ و چینێن جڤاكی و ئاواره‌ و په‌نابه‌ر ژی دێ پشكدارییێ د هه‌لكرنا ئاگرێ نه‌ورۆزێ دا كه‌ن  و د نه‌ورۆزا ئه‌ڤ ساله‌ دا” یاری یێن ئاگرى و خه‌تیر دێ تشته‌كێ جۆداتر بن ژ سالێن بورى.