کۆمپانیا تۆتال ئینێرجی یا فەرەنسی دیارکریە، کۆمپانیا وان چاڤەڕێیە ئەو گرێبەستێن ل سالا 2021، دگەل حکومەتا پێشتر یا عیراقێ بۆ پێشڤەبرنا کەرتێ وزەیێ ل عیراقێ ئەنجامداین، ب بهایێ زێدەتر ژ 27 ملیار دۆلاران بجهبینن.
پاتریک پویانی، ڕێڤەبەرێ بجهئینانێ ئاماژەکریە، حکومەتا پێشتر یا عیراقێ دوپاتی ل سەر خاوەنداریا 40% یا پڕۆژەی دکر، کو ئەو ل سەر نە گەهشتبوونە ڕێککەفتنێ، بەلێ تا نوکە چ تێگەهشتن بۆ هەلویستێ حکومەتا نوو یا عیراقێ نینن.
گۆتژی، هەیڤا بووری ئەوان بزاڤکرن پەیوەندییێ ب حکومەتا عیراقێ بکەن، بەلێ چ بەرسڤێن فەرمی ب دەست ئەوان نە کەڤتین.
ل دەستپێکا هەیڤا کانوونا دووێ یا ئەڤ سالە، ڕێڤەبەرێ بجهئینانێ یێ کۆمپانیا تۆتال ئێنێرجی ڕاگەهاند، عیراق پشکەکا سەرەکیە ژ گرنگیدانا کۆمپانیا ئەوان ل ڕۆژهەلاتا ناڤەڕاست، ئاماژە کر ژی،”تۆتال ئێنێرجی” ل هەڤپشکەکێ دگەڕیت و دڤێت پشکێن وێ 40 بۆ 50 % بمینن.
