<h2 style="text-align: justify;"><span style="font-size: 18pt;">بهرپرسێن ئهمریكا راگههاند، ل ویلایهتا كارۆلینا، لهشكهرهكێ بهرێ یێ ئهمریكا د مالا خۆدا سێ زارۆك و لهشكهرهك كۆشتن، و دیڤدا خۆژى كۆشت.</span></h2> <h2 style="text-align: justify;"> <span style="font-size: 18pt;">راسل رۆرك، رێڤهبهرێ پۆلیسێن سۆمتهر د كۆنگرهكێ رۆژنامهڤانیدا راگههاند، چارڵز سلاكس جۆنیۆر، لهشكهرێ بهرێ یێ ئهمریكایه، دهمێ دبینیت لهشكهرهكێ ئهمریكا ب رێكهفت چویه د مالا وى دا، و دگهل دایكا زارۆكێن وى كاردكهت، مهندههۆش دبیت ئێكسهر تهقێ لێ دكهت.</span></h2> <h2 style="text-align: justify;"> <span style="font-size: 18pt;">دیار ژى كر، سلاكسی تهمهنێ وى 42 سالن، بهرى نوكه ژ ههڤژینا خۆ جوداببو، بهلێ كلیلا مالێ ههبوو، دهمێ ل دهمژمێر 10ى شهڤێ چوویه مال ئهو زهلام دیتیه، ل حهوشا مالا خودا تهقێ ل وى لهشكهرى دكهت، و پاشى تهقێ ل زارۆكێن خۆ دكهت كو د نڤستى بوون و تهمهنێ زاروكێن وی 5 و 6 و 11 سالن.</span></h2> <h2 style="text-align: justify;"> <span style="font-size: 18pt;">پۆلیسان ئاماژه ب هندێ ژى كر، دهمێ ئهو ژن دچیته قاتێ سهرى ژبۆ هندێ مۆبایلا خۆ بینیت كو د شهحنێ دابوو، دهنگێ تهقێ دهێتێت و دبینیت ههڤژینی وێ یێ بهرێ خۆ دكۆژیت.</span></h2>
