ئه‌ڤ ساله‌ هه‌موو گه‌نمێ جۆتیاران دێ هێته‌ وه‌رگرتن

رێڤەبەرێ گشتی یێ بازرگانی ل وەزارەتا بازرگانی و پیشەشازییا هەرێما کوردستانێ دیار كر: کوالێتییا مادێن خوارنێ بلندبوویه‌: “بڕیارە ئەڤ ساله‌ هەموو گەنمێ جۆتیاران بهێته‌ وەرگرتن و دڤێت د ماوێ دو حەفتییان دا پارێ وان بهێته‌ دان.

ئه‌ڤرۆ، نەوزاد شێخ کامیل، ڕێڤەبەرێ گشتی یا بازرگانییا هەرێمێ ل وەزارەتا بازرگانی و پیشەشازیییا هەرێما کوردستانێ گۆت: بریارە د ڤێ هه‌یڤێ دا، ژ بلی وان ئاهێن خوارنێ یێن به‌ری هاتینه‌ دابەش کرن، ئێک تەبەقا هێكان، 5 کیلۆیێن ئارێن سفر، نیڤ کیلۆیا ئارێ نشایێ و کیلۆیەکا شەعرییە بده‌نە هەر خێزانه‌كێ.

 ناڤهاتی گۆت ژی:  ب ره‌نگه‌كێ بەردەوام رۆژانە مادێن خوارنێ دگه‌هنه‌ هەرێما کوردستانێ، دوهی 60 ته‌نێن ئارێ سفر بۆ سلێمانییێ هاتینە، هه‌روه‌سا 60 ته‌نێن ئارێ سفر بۆ هەولێرێ هاتینە، شەعری ژی گه‌هشتینه‌ هه‌رسێ باژێرێن دهۆک، سلێمانی و هەولێرێ، ل هەموو عێراقێ مادێن خورنێ پێكڤه‌ دێ هێنه‌ به‌لاڤكرن.

هەروەسا بهایێ هەر ته‌نه‌كا گەنمی، دێ 850 هزار دینار بن.