سه‌قاناسیا هه‌رێما كوردستانێ راگه‌هاند، بارسته هه‌وایه‌كێ سار به‌ره‌ڤ ده‌ڤه‌رێ دێ هێت و ل هنده‌ك ده‌ڤه‌ران به‌فر دێ باریت و دهێته پێشبینیكرن ل چه‌ندین جها پله‌یێن گه‌رمێ بگه‌هنه بن سفر پله‌یا سیلیزیدا.
دیار ژى كریه، پێشبینیا هاتنا بارسته هه‌وایه‌كێ سار ل دره‌نگیا شه‌ڤا پێنجشه‌مبى هه‌یه، د نوكه ئه‌و بارسته هه‌وایێ سار یێ گه‌هشتیه سه‌ر پشكه‌ك ژ وه‌لاتێ توركیا و ژبه‌ر‌هندێ پێشبینی دهێته‌كرن، سوباهى ل ده‌نگیا شه‌ڤ ئه‌و بارسته هه‌وایێ سار بگه‌هیته پشكه‌ك ژ ده‌ڤه‌رێن چیایى یێن سنوورێ پارێزگه‌ها دهۆكێ و رۆژا ئه‌ینى دێ كارتێكرنێ لسه‌ر ل هه‌مى ده‌ڤه‌رێن جودا یێن هه‌رێمێ كه‌ت، و دێ پله‌یێن گه‌رمێ بۆ چه‌ند پله‌یان نزمبن.
