د. شاخه‌وان عه‌بدولا جێگرێ دووێ یێ سه‌رۆكێ په‌رله‌مانێ عیراقێ، بریاره‌كا راكان سه‌عید پارێزگارێ سه‌پاندى یێ كه‌ركووكێ بۆ هه‌لوه‌شاندنا (تنسیبكرنا) 47 كارمه‌ندێن ل باژێرڤانیا كه‌ركوكێ كاردكه‌ن راوه‌ستاند.
پشتى كو راكان سه‌عید پارێزگارێ كه‌ركوكێ، ب نڤیساره‌كێ بریاره‌ك ده‌رێخستى و بزاڤ كرین 47 كارمه‌ندێن فه‌رمانگه‌ها باژێرڤانیێ كو ژ هه‌رێما كوردستانێ هاتبوونه ته‌نسیب كرن راوه‌ستینیت. شاخه‌وان عه‌بدولا نڤیساره‌كا فه‌رمى ئاراسته‌ى وه‌زاره‌تا ئاڤه‌دانكرنێ كریه و تێدا داخازكریه، ڤێ بریارێ جێبه‌جێ نه‌كه‌ن، ژبه‌ركو مانا ڤان كارمه‌ندان لسه‌ر كارێ وان د به‌رژه‌وه‌ندیا گشتى دایه و ئه‌و هه‌مى ئاكنجیێن پارێزگه‌ها كه‌ركوكێ نه.
ب ڤى ره‌نگى ، ب رێكا فه‌ره‌مانا جێگرێ دووێ یێ سه‌رۆكێ په‌رله‌مانێ عیراقێ، تا نوكه 47 فه‌رمانبه‌رێن كورد مانه ل جهێ خۆ و دێ به‌رده‌وام بن لسه‌ر خزمه‌تكرنا وه‌لاتیێن باژێرێ كه‌ركوكێ.
