مه‌سرور بارزانى : مامۆستا شێخه‌لا ئیبراهیم نموونه‌یا مرۆڤه‌كێ نیشتیمانپه‌روه‌ر و چاڤ نه‌ترس بوو

مه‌سرور بارزانى سه‌رۆكێ حكومه‌تا هه‌رێما كوردستانێ دپه‌یامه‌كێدا بۆ وه‌غه‌ركرنا مامۆستا شێخه‌لا ئیبراهیمى، سه‌ره‌خۆشى ئاراسته‌یى بنه‌مالا وى كر و راگه‌هاند، خۆدێ ژێ رازى ماموستا شێخه‌لا ئیبراهیم نموونه‌یا مرۆڤه‌كێ نیشتیمانپه‌روه‌ر و چاڤ نه‌ترس بوو، ل ژییێ گه‌نجاتییێ بوو پێشمه‌رگه‌ و ل دووماهیك سه‌رهلدان ژى وه‌كو بریكارێ وه‌زاره‌تا چاندنێ و په‌رله‌مانتاره‌كێ دلسۆز خزمه‌تا گه‌ل و وه‌لاتى كرییه‌.

ده‌قێ په‌یاما سه‌رۆكێ حكومه‌تێ:

به‌هینامه‌یه‌ك ژ سه‌رۆكێ حكومه‌تا هه‌رێما كوردستانێ.

ب مخابنییه‌كا مه‌زنڤه‌ نووچه‌یێ وه‌غه‌ركرنا تێكۆشه‌ر و خه‌باتكارێ ناسیارێ كوردستانێ و پێشمه‌رگه‌یێ هه‌ردوو شۆره‌شێن ئه‌یلوول و گۆلانێ و هه‌لگرێ میدالییا بارزانییێ نه‌مر، مامۆستا شێخه‌لا ئیبراهیم گه‌هشته‌ مه‌.

خۆدێ ژێ رازى مامۆستا شێخه‌لا ئیبراهیم نموونه‌یا مرۆڤه‌كێ نیشتیمانپه‌روه‌ر و چاڤ نه‌ترس بوو، ل ژییێ گه‌نجاتییێ بوو پێشمه‌رگه‌ و پشتى سه‌رهلدانێ ژى وه‌كو بریكارێ وه‌زاره‌تا چاندنێ و په‌رله‌مانتاره‌كێ دلسۆز خزمه‌تا گه‌ل و وه‌لاتى كرییه‌.

سه‌ره‌خۆشییێ ل بنه‌مالا وى یا به‌رێز و كه‌سوكار و هه‌ڤالێن وى دكه‌م و هه‌ڤپشكێ خه‌ما وانم، خۆدایێ دلۆڤان گیانێ وى ب به‌هه‌شتێ شاد بكه‌ت و ئارامى و بهێن فره‌هییێ ب هه‌موویان بده‌ت.

مه‌سرور بارزانى

سه‌رۆكێ حكومه‌تا هه‌رێما كوردستانێ