مامۆستایەکێ زانکۆیێ ئاماژە ب وێ چەندێ دکەت، رێكکەڤتنا ھەرێم و بەغدا دێ بیتە بنەمایەکێ ب ھێز بۆ دەرکرنا قانوونا نەفت و غازێ ل عێراقێ و دبێژیت: ئابوورا ھەرێما کوردستانێ دێ بەرەف گەشەکرنێ چیت.
کۆسرەت میران بەگی، مامۆستایێ زانکۆیێ بۆ ئاژانسا خانی دیارکر، رێکكەڤتنا دناڤبەرا ھەرێم و بەغدا دا دێ بیتە بنەمایەکێ گرنگ بۆ دەرکرنا قانوونا نەفت و غازێ ل پەرلەمانێ عێراقێ، ئەز باوەرم دێ ھەرێما کوردستانێ مفایەکێ مه‌زن ل ئەنجامێن رێكکەڤتنێ بینیت، ژبه‌ركو سالێن بووری ژبەرکو ھەرێم دەولەت نەبوویە بەغدا ژی پشکا بودجه‌یا ھەرێما کوردستانێ دبڕی ئەڤەژی بۆ ئەگەر ھەرێم نەچار بیت نەفتا خوە ب بھایەکێ کێمتر ژ یێ بازاری بفرۆشیت یان ژی ب ھندەك مەرجێن کۆمپانیایێن نەفتێ و وەلاتێ تورکیا رازی ببیت.
کۆسرەت میران بەگی گۆتژی: سەرۆکێ حكومه‌تا ھەرێما کوردستانێ ھەموو جاران بەرھەڤییا خوە بۆ گه‌هشتنا رێکكەڤتنێ دگەل بەغدا ب مەرەما چارەسەرکرنا ئاریشەیان نیشادایە ، ب دیتنامن ئه‌و رێکكەڤتنا ل رۆژا 4ی نیسانێ ھاتییەکرن دێ كارتێكرن ل سەر ھەرێما کوردستانێ ھەبیت و رەوشا ئابووری دێ بەرەڤ گەشەکرنەکا بھێز چیت و نەفتا ھەرێما کوردستانێ ب رێیا کۆمپانیا سۆمۆ دێ ھێتە فرۆتن و داھاتێ نەفتێ ژی ل ھژمارەکا بانکی ھێتە دانان و ل ژێر دەستھەلاتا سەرۆکێ حوکمەتا ھەرێما کوردستانێ بیت.
