پتر ژ ملیۆنه‌ک و 500 هزار قۆتابییان پشكداری د ئه‌زموونان دا كرییه‌

ئەڤرۆ شەمبییێ، ٢٩ ی نیسانا ٢٠٢٣ ێ، ئه‌زموونێن دووماهییا وەرزێ دووێ یێن پۆلێن نه‌ دووماهی و نیشتمانی یێن پۆلا نه‌هێ بنەرەتی، ل قۆتابخانێن هەرێما کوردستانێ دەستپێکرن و وەزارەتا پەروەردێ دبێژیت، “ پتر ژ ملیۆنه‌ک و ٥٠٠ هزار قوتابی، پشكدارییێ تێدا دکەن”.

فەرمانگەها میدیا و زانیاری ل گەل په‌یڤدارێ وەزارەتا پەروەردێ ئتخفتییه‌ و گۆتییه: ١٢٣ هزار و ٩٩٣ قوتابی، ئه‌زموونێن نیشتمانی ئەنجام ددەن.

هەر ئەڤرۆ شەمبییێ، ٢٩ ی نیسانێن ئه‌زموونێن وەرزێ دووێ یێن پۆلێ نه‌ دووماهییێ ژی دەستپێکرن.

لدووڤ ئامارێن وەزارەتا پەروەردێ، پتر ژ ٥٠٠ هزار قوتابییان ل سنوورێ پارێزگه‌ها هەولێرێ پشكداری ئه‌زموونان دا کرییە و ژ وێ هژمارێ ژی ٣٨ هزار و ٢٨٤ قوتابی یێن پۆلا نه‌هێ بنەرەتینه‌.

ل سنوورێ پارێزگه‌ها سلێمانییێ ٢٧ هزار و ٣٧٠ قوتابییان پشكداری د ئه‌زموونێن نیشتمانی دا کرییە و پتر ژ ٣١٢ هزار قوتابییێن دیتر، ئه‌زموونێن وەرزێ دووێ یێن پۆلێن نه‌ دووماهی ئەنجام دده‌ن.

ل سنوورێ پارێزگه‌ها دهۆکێ ژی، پتر ژ ٣٦٥ هزار قوتابی پشكداری د ئه‌زموونێن وەرزێ دووێ یێن پۆلێن نه‌ دووماهییێ دا کرینە و ٢٩ هزار و ٥٤٤ قوتابی ژی ل پۆلا نه‌هێ بنەرەتینه‌.