ئەڤرۆ ڕۆژا دووشەمبی رێکەفتی 1 ئەیارا 2023، دکتور پشتیوان سادق، ئەندامێ مەکتەبا سیاسی و بەرپرسێ مەکتەبا رێکخستنا پارتی دیموکراتی کوردستان ل پارێزگەها دهۆکێ، پێشوازی ل هەژمارەکا کاسباکار و پیشەوەر و کرێکارێن پارێزگەها دهۆکێ کرن، د پەیڤەکێدا سەرباری پیرۆزکرنا رۆژا جیهانیا کرێکاران، دووپاتکر و سوزدا، وەکو پارتی ل دەڤەرێ پشتەڤانیەکا تەمام یا داخوازیێن وانا دکەن و دگەل لایەنین پەیوەندیدار ب زووترین دەم دێ بزاڤا چارەسەرکرنا ئاریشە و کێشەیێن وان کەن، تایبەت کێشەیا پیشەوەران ل دەڤەرا نوو یا پیشەسازی ل دهۆکێ و داخوازیێن وان رەوانە.
هەروەسا د. پشتیوان سادق، راگەهاند، خزمەتکرنا چینا کرێکاران ب شێوەیەکی گشتی ئەرکێ سەر ملێن مەیە، د گەل لایەنێن پەیوەندیدار بەردەوام دێ د گۆتووبێژاندا بن ژ پێخەمەت ب دەستخستنا ماف و داخوازییێن وان.
بەرپرسێ مەکتەبا رێکخستنا پارتی دیموکراتی کوردستان ل پارێزگەها دهۆکێ گۆتژی:”ژ ئەڤرۆ پێڤە یا ژ دەستێ مە بهێت ژ بۆ باشترکرنا ژیان و ژیارا کرێکاران و بجهئینانا ماف و داخوازیێن وان دێ ئەنجامدەین.”
